ស្រីស្អាត បើករថយន្តបុករបាំងថ្ម យំស្រែកសំពះអង្វរសមត្ថកិច្ចសុំរួចខ្លួន
http://thisiskhmer.blogspot.com/2013/09/blog-post_7940.html
រាជធានីភ្នំពេញ ៖ នារីវ័យក្មេង សាច់សខ្ចីម្នាក់ បានស្រែកទ្រហោយំសុំសមត្ថកិច្ចរួចខ្លួន បន្ទាប់ពីនាងបានបើករថយន្តកាមរីបាឡែន មួយគ្រឿង ជ្រុលទៅបុករនាំងថ្មពុះចែកទ្រូងផ្លូវបណ្តាលឲ្យការខូចខាត កាលពី វេលាម៉ោង ១០និង១៥នាទីយប់ ថ្ងៃទី១៨ ខែកញ្ញា ឆ្នាំ២០១៣ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញជនរងគ្រោះបានបើករថយន្តម៉ាក កាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2N-8355 ធ្វើដំណើរតាមមហាវិថីម៉ៅសេទុង ក្នុងទិសដៅពីត្បូងទៅជើង ខណៈមកហួសមជ្ឈមណ្ឌលម៉ុងឌីយ៉ាល់តែបន្តិច ក៏បានជ្រុលចង្កូតទៅបុកក្បាលរបាំងថ្មពុះចែកទ្រូងផ្លូវ បណ្តាលឱ្យខូចខាតបន្តិចបន្តួច ចំណែករថយន្តដាច់កង់មុខខាងឆ្វេងទៅមុខលែងរូច។
បន្ទាប់ពីកើតហេតុ នារីរងគ្រោះ បានចេញមកយំសំពះសមត្ថកិច្ចអង្វរសុំរួចខ្លួន ដោយនាងបានបញ្ជាក់ថា គ្រោះថ្នាក់នេះមិនមែនជាកំហុសរបស់នាងនោះទេ គឺដោយសារតែមានរថយន្តមួយគ្រឿងទៀតបានបើកមកកៀរនាង។ ទោះបីជាមានការការយំអង្វររៀបរាប់យ៉ាងណាក៏ដោយ សមត្ថកិច្ចនៅតែបន្តធ្វើការជំនាញ ដោយបាននាំយករថយន្តទៅរក្សាទុកជាបណ្តោះអាសន្នដើម្បីរង់ចាំធ្វើការដោះស្រាយនៅពេលក្រោយ៕
ប្រភព៖ វត្តភ្នំ