ឈិនឡុង ឆ្នាំនេះស្លាប់បីដងហើយ
http://thisiskhmer.blogspot.com/2013/09/blog-post_5229.html
បើរាប់តាំងពីដើមឆ្នាំមកទល់នឹងពេលនេះ ពាក្យចចាមអារ៉ាមនៅលើបណ្ដាញ Twitter ដែលថាកំពូលតារាសម្ដែងធ្វើឱ្យអ្នកទស្សនាផ្ទុះសំណើចគ្រប់គ្នា ឈិន ឡុង (Jackie Chan) ស្លាប់ មានចំនួនបីដងហើយ។ ទំនងឈឺក្បាលនឹងពាក្យចចាមអារ៉ាមទាំងនោះ ក៏ដូចជាចង់បង្ហាញគម្រោងថ្មីផង តារាសម្ដែងភាពយន្តវាយតប់ចិនរូបនេះបានចេញមុខបកស្រាយប្រាប់អ្នកសារព័ត៌មានថា លោកមិនទាន់ស្លាប់ទេ ហើយមានសុខភាពល្អទៀតផង។
ក្រៅពីនេះ តារាចិនដែលល្បីខ្លាំងនៅហូលីវូដបានបង្ហាញពីគម្រោងបង្កើតសួនកម្សាន្តផ្ទាល់ខ្លួនមួយក្នុងប្រទេសចិនដែលមានឈ្មោះថា ”Jackie Chan World Park”។
តារាវាយតប់បែបកំប្លែងរូបនេះបាននិយាយថា ៖ “កាលពីក្មេងគ្រួសារខ្ញុំក្រណាស់ ខ្ញុំតែងគិតថានៅពេលមានលុយខ្ញុំនឹងទិញវត្ថុគ្រប់យ៉ាងដែលខ្ញុំចង់បាន និងប្រមូលវាពីជុំវិញពិភពលោក។ ខ្ញុំចង់ដាក់បង្ហាញវត្ថុទាំងអស់នោះ។ វាមិនមែនជារបស់ថ្លៃទាំងអស់នោះទេ តែវាមានរឿងរ៉ាវជាច្រើននៅពីក្រោយរបស់ទាំងអស់នោះ”។
តារាវ័យ ៥៩ ឆ្នាំរៀបរាប់ទៀតថា ការបង្កើតសួនកម្សាន្តខាងលើគឺដើម្បីរួមចំណែកជួយដល់សហគមន៍របស់លោកវិញ។ ពិព័រណ៍ជាច្រើននៅសួនកម្សាន្តនឹងមិនគិតប្រាក់នោះទេ ហើយប្រាក់ដែលបានពីការលក់សំបុត្រនឹងត្រូវប្រើប្រាស់សម្រាប់ជួសជុលសម្ភារៈនៅក្នុងសួនប៉ុណ្ណោះ។
លោកបន្តថា ៖ “ខ្ញុំចង់ទិញវត្ថុជាច្រើនកាលនៅក្មេង តែឥលូឡូវខ្ញុំចង់បរិច្ចាគអ្វីដែលខ្ញុំមានទាំងអស់… សុភមង្គលរបស់មនុស្សម្នាក់គឺស្មើនឹងភាពរីករាយរបស់មនុស្សទូទៅនោះទេ ហើយមានតែវប្បធម៌ទេដែលនៅរស់ជារៀងរហូត… ៦០ ភាគរយ នៃការលេងក្នុងសួនកម្សាន្តមិនត្រូវបានយកប្រាក់ទេ ហើយ ៤០ភាគរយទៀតដែលបានពីការលក់សំបុត្រនឹង
តារាច្រមុះធំមិនបានលើកឡើងពីពាក្យចចាមអារ៉ាមដែលថា លោកស្លាប់ម្ដងជាពីរដងនោះទេ តែបានសរសេរនៅលើគណនីបណ្ដាញសង្គម Facebook របស់ខ្លួនថា ៖ “ឆ្នាំក្រោយ ឆ្នាំ ២០១៤ គឺជាខួបកំណើត ៦០ ឆ្នាំរបស់ Jackie។ ខ្ញុំនឹងប្រារព្ធឱកាសដ៏អស្ចារ្យនេះក្នុងទីក្រុងប៉េកាំងជាមួយមិត្តភក្ដ័ និងអ្នកគាំទ្រជុំវិញពិភពលោក។ គម្រោងទាំងនោះរួមមានតន្ត្រីសន្តិភាពមនុស្សធម៌ និង Fan Club Party ផងដែរ”៕
តារាច្រមុះធំមិនបានលើកឡើងពីពាក្យចចាមអារ៉ាមដែលថា លោកស្លាប់ម្ដងជាពីរដងនោះទេ តែបានសរសេរនៅលើគណនីបណ្ដាញសង្គម Facebook របស់ខ្លួនថា ៖ “ឆ្នាំក្រោយ ឆ្នាំ ២០១៤ គឺជាខួបកំណើត ៦០ ឆ្នាំរបស់ Jackie។ ខ្ញុំនឹងប្រារព្ធឱកាសដ៏អស្ចារ្យនេះក្នុងទីក្រុងប៉េកាំងជាមួយមិត្តភក្ដ័ និងអ្នកគាំទ្រជុំវិញពិភពលោក។ គម្រោងទាំងនោះរួមមានតន្ត្រីសន្តិភាពមនុស្សធម៌ និង Fan Club Party ផងដែរ”៕
ប្រភព៖ http://news.sabay.com.kh